धरानः धरानस्थित बीपी कोइराला स्वास्थ विज्ञान प्रतिष्ठानको एमसिएच भवनको निर्माण सुचारू भएको छ ।
४ सय बेडको भवनको हालसम्म रकमको आधारमा ३३ प्रतिशत काम सम्पन्न भइसकेको प्रतिष्ठानका सिभिल इन्जनियरिङ शाखा प्रमुख ई. विकास बस्यालले बताएका छन् ।
शर्मा एण्ड रसुवा जोइन्ट भेन्चरले अबको दुई वर्षभित्र निर्माण सम्पन्न हुने गरी कामको थालनि सुचारू गरेको हो । बीपी प्रतिष्ठानका उपकुलपति प्रा. डा. ज्ञानेन्द्र गिरीले आफ्नो कार्यकालको सुरूवातमा नै निर्माण रोकिएको प्रक्रिया मिलाएर काम सुचारू गरेका हुन् । पछिल्लो पटक काम सुचारू भएपछि हालसम्म ३० करोड भुक्तानी भइसकेको छ ।
भौतिक रूपमा ३६ प्रतिशत काम सम्पन्न भएको एमसिएच कन्सल्टेन्ट सुशिल देवले बताएका छन् । २ वर्षभित्रमा काम सम्पन्न गरीने योजनका साथ कन्ट्रयाक्टरले काम गरिरहेको देवले जानकारी दिए । २ अर्ब १७ करोडमा लागेको ठेक्कामा हालसम्म ६८ करोडको बिल भुक्तानिको लागि पठाइसकेको उनले जानकारी गराए ।