सुनसरीः इटहरीको नयाँ पाँचतारे होटल सञ्चालनको तयारी थालिएको छ ।
होटल परिसर एक बिघा क्षेत्रफलमा फैलिएको छ । १ अर्ब ३० करोड लगानीमा खुल्न लागेको होटलमा गोरखा डिपार्टमेन्टल स्टोरका बलराम आचार्य र इटहरी उद्योग वाणिज्य संघका अध्यक्ष भीम पौडेलको संयुक्त लगानी छ ।
होटलका निर्देशक विनोद पौडेलले वैशाखमा होटल सञ्चालन गर्ने लक्ष्य राखिएको जानकारी दिए । होटल ९० वटा कोठाको हुनेछ । जसमध्ये प्रेसिडेन्सियल सुइट रुम १, सुइट रुम ८, एक्जुक्युटिभ रुम १२, डिलक्स रुम २२ र स्ट्यान्डर्ड रुम ४७ वटा छन् । होटलमा स्वीमिङ पुल, हेल्थ क्लब, स्पालगायत पनि रहनेछन् ।
पछिल्लो समय पूर्वमा नयाँ एवं सुविधा सम्पन्न होटलहरु खुल्ने क्रम बढेको छ । प्रदेश १ मा रहेका पर्यटकीयस्थलहरु घुम्न आउने पर्यटकलाई लक्षित गरी खुलेका होटलहरुले यस क्षेत्रको पर्यटन विकास र प्रवद्र्धनको ढोका खुल्ने व्यवसायीको भनाइ छ ।