धरानः महिलाहरू उद्यमी ब्यवसायी बनाउने उद्देश्यले चारदिने ब्यवसायिक नर्सरी तालिम धरानमा शुरु भएको छ ।
चालु आर्थिक वर्ष २०७७–७८ को लक्ष्यित वर्गको बजेटबाट राष्ट्रिय आदिवासी जनजाति नगर महासंघ धरानद्वारा मंगलबार शुरु भएको छ ।
चारदिने तालिमलाई धरान उपमहानगरका सामाजिक विकास शाखा प्रमुख प्रज्ञादेवी निरौलाले उद्घाटन गरिन् ।
धरान उपमहानगर वडा नम्बर ७ स्थित क्यामेलिया नर्सरीमा तालिम सञ्चालन भइरहेको छ । ालिममा धरानमा रहेका नेपाल आदिवासी जनजाति महासंघमा आवद्ध जातीय संस्थाका २० जना महिलाहरु सहभागी रहेको कुरा महासंघका अध्यक्ष चन्द्रकला प्रधानले जानकारी दिइन् । चार दिनसम्म चल्ने तालिममा युमिहाङ राई क्यामेलियाको सञ्चालक राजेश राईले प्रशिक्षण दिइरहेका छन् ।
तालिम अवधिभरमा फूलको ब्याड राख्ने बीऊ–बिजन, सिंचाइ लगायतमा जानकारी दिइनेछ ।