धरानः धरान उपमहानगरपालिकाकी उपमेयरलाई दोस्रोपटक पनि कोरोना संक्रमण देखिएको छ ।
स्वास्थ्य महाशाखाका प्रमुख उमेश मेहताका अनुसार उनमा आज (शुक्रबार) परीक्षण गर्दा कोरोना देखिएको हो । एन्टिजेन परीक्षण गर्दा उनमा पोजेटिभ रिपोर्ट आएको हो । उनका एक सहयोगी कर्मचारीलाई संक्रमण देखिएपछि उनमा परीक्षण गर्दा कोरोना पुष्टि भएको थियो । उपमेयर आफैले पनि सामाजिक सञ्जालमा कोरोना पुष्टि भएको जानकारी दिएकी छिन् । उनले संक्रमण पुष्टि भएको जानकारी दिँदै सचेत रहन आग्रह गरेकी छिन् । उपमेयर र कर्मचारीमा समेत संक्रमण पुष्टि भइसकेपछि मेयरको पनि परीक्षण गरिएको मेहताले जानकारी दिए । उनले आफूलाई कुनै लक्षण नभएको बताइन् ।
मेहताका अनुसार उनका अन्य परिवारमा भने नेगेटिभ रिपोर्ट आएको छ । यसअघि पहिलो लहरमा पनि उनमा कोरोना पुष्टि भइसकेको छ ।

धरानमा वैशाखयता मात्रै १७० मा संक्रमण भइसकेको छ । यसमा धरान उपमहानगरपालिका प्रेस संयोजक, कर्मचारीलगायतमा पनि संक्रमण पुष्टि भइसकेको उनले जानकारी दिए ।