धरानः इनरुवाका तीन दिनको बीचमा कोरोनाका कारण आमा छोराको मृत्यु भएको छ ।
इनरुवा नगरपालिका–३ का एक परिवारका ८४ वर्षीय वृद्धा आमाको कोरानाको कारण मृत्यु भएको तीन दिनपछि आज छोराको पनि उपचारको क्रममा अस्पतालमा मृत्यु भएको हो । ६२ वर्षीय छोराको शनिबार बिहान नोबेल मेडिकल कलेजको कोभिड युनिटमा उपचारका क्रममा मृत्यु भएको वडा अध्यक्ष कालु राम गुरुङले जानकारी दिए ।
यसअघि होम आइसोलेसनमा बसेकी आमाको गएको बुधबार मृत्यु, भएको थियो । कोरोना पोजेटिभ देखिएपछि होम आइसोलेसनमा बसेका छोरालाई स्वास प्रस्वासमा समस्या भएपछि अस्पताल भर्ना गरिएको थियो । नोबेल मेडिकल कलेजमा पिसिआर जाँच गर्दा ८४ वर्षीय वृद्धासँगै छोराबुहारी, अरु दुई छोरीसहित परिवारका पाँच सदस्यलाई कोरोना देखिएको थियो । परिवारका अन्य सदस्य क्रियापुत्रीमा बसेका छन् भने बुहारी र दुई नातिनी अहिले होम आइसोलेसनमा छन् ।