धरानः कोरोना संक्रमणबाट निधन भएका धरानका उद्योगपति रोशन सोनीको अन्त्येष्टी गरिएको छ ।
सिंगिया खोलामा उनको दाहसंस्कार गरिएको हो । विराट मेडिकल शिक्षण अस्पताल विराटनगरमा उपचाररत सोनीको शुक्रबार राति निधन भएको थियो । पिसिआर रिपोर्ट पोजेटिभ आएका सोनीलाई थप समस्या भएपछि उपचारको लागि एक साताअघि विराट मेडिकल शिक्षण अस्पताल लगिएको थियो । उनको हिजो राति करिब १० बजे निधन भएको थियो ।
सोनी पछिल्लो समय आन्द्रामा समस्या भएर उपचारको लागि भारतको दिल्ली गएका थिए । त्यहाँ अप्रेशन गरेर उनी घर फर्किएका थिए । सोही क्रममा पिसिआर जाँच गर्दा उनको रिपोर्ट पोजेटिभ आएको थियो । उनी साताअघिदेखि नोवेल अस्पतालमा उपचाररत थिए । सोनीको तीनकुनेस्थित औद्योगिक क्षेत्रमा उद्योग पनि छ । उनीसँगै वैशाखयता धरानमा ६ जना संक्रमितको मृत्यु भइसकेको छ ।