धरानः धरानमा दुईजना संक्रमितको मृत्यु भएको छ ।
यहाँ ६२ वर्षीय संक्रमित पुरुषको मृत्यु भएको छ । इटहरी सुनसरी संक्रमित पुरुषको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको थियो । गत १३ गते उनमा कोरोना पुष्टि भएको थियो । उनी गत १८ गते नै अस्पताल भर्ना भएका थिए ।
बुधबार ३ः२५ बजे उनको मृत्यु भएको प्रतिष्ठानका सहप्रवक्ता डा. चुरामणि पोखरेलले जानकारी दिए ।
यस्तै, ७९ वर्षीय संक्रमित पुरुषको मृत्यु भएको छ । सुन्दरहरैंचा–६ मोरङका संक्रमित पुरुषको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको थियो । गत २१ गते उनमा कोरोना पुष्टि भएको थियो । उनी गत २२ गते नै अस्पताल भर्ना भएका थिए ।
बुधबार ६ः० बजे उनको मृत्यु भएको प्रतिष्ठानका सहप्रवक्ता डा. पोखरेलले जानकारी दिए । शवको व्यवस्थापन स्वास्थ्य मापदण्डअनुसार भइरहेको उनले जानकारी दिए ।