धरानः धरानमा कोरोना भाइरसविरूद्धको अमेरिकी कम्पनी जोन्सन एण्ड जोन्सनको (जोनसन कोभिड–१९ भ्याक्सिन) खोप आजदेखि लगाउन सुरू भएको छ ।
धरानका विभिन्न खोप केन्द्रमा आज (२० गते)देखि यो खोप लगाउन थालिएको हो । ५० देखि ५४ वर्ष उमेर समूहका लागि कोरोना भाइरसविरुद्धको जोनसन खोप लगाउन शुरु गरिएको हो ।
जोनसन एण्ड जोनसन खोप ५० देखि ५४ वर्ष उमेर समूहका नागरिकहरु र अन्य लक्षित समूहलाई लगाउन थालिएको हो । साउन २० देखि २२ गतेसम्म तोकिएको वडाहरुको खोपकेन्द्रमा जोनसन एण्ड जोनसन खोप ५० देखि ५४ वर्ष उमेर समूहका नागरिकहरु र अन्य लक्षित समूह (वैदेशिक रोजगारमा जाने, अति अपाङ्ग तथा पूर्ण अपाङ्ग भएका नागरिकहरु, स्वास्थ्य संस्थामा कार्यरत स्वास्थ्यकर्मीहरू र सरसफाईकर्मीहरु) लाई खोप लगाउन थालिएको हो ।
धरानमा ५ हजार जनालाई यो खोप लगाइने भएको हो । आज बालिका स्कुल सिंहदेवी चोक, भानु स्मृति मावि, आधारभूत स्वास्थ्यकेन्द्र हर्दिया, सरस्वती मावि, पानबारी, सिद्धिनेवा परिषद्, सैनिक भवन, समिट माविमा जोनसन खोप लगाइएको थियो । अधिकांश खोप केन्द्रमा खोप लगाउनेको उत्साहजनक सहभागिता रहेको थियो ।
अमेरिकी खोपले असर गर्ने भन्दै विभिन्न हल्ला चलाइएको भएपनि धरानमा उत्साहजनक उपस्थिति देखिएको पाइएको थियो । ‘अमेरिकी खोप लगाएपछि इफेक्ट देखाउँछ भन्ने पनि देखिए’, खोप लगाउन आएकी डोमा शेर्पाले भनिन्, ‘मान्छेपिच्छे फरक फरक कुरा आएपनि नडराइ खोप लगाइयो ।’
तस्वीरहरुः हाम्रो कोशी आवाज

धरान-९ को समिट मावि र धरान-१० को सैनिक भवनमा खोप लगाउँदै स्थानीय ।