धरानः धरान उपमहानगरपालिकामा आज (शुक्रबार) एकदिनको लागि शोकविदा दिइएको छ ।
धरान उपमहानगरपालिकाका कार्यपालिका सदस्य तथा खेलकुद विकास समितिका संयोजक सुवास राई र सफाइ शाखामा कार्यरत सफाइकर्मी दिनेश मरिकको निधनप्रति शोक व्यक्त गर्दै शोकविदा दिने निर्णय भएको वरिष्ठ प्रशासकीय अधिकृत गणेशप्रसाद खतिवडाद्वारा जारी सूचनामा जनाइएको छ ।
कार्यपालिका सदस्य राईको शुक्रबार बिहान निधन भएको थियो भने सफाइकर्मी मरिकको बिहीबार निधन भएको थियो । शोकविदा दिने निर्णय भएसँगै नगर कार्यपालिकाको कार्यालय, वडा कार्यालयहरु साथै शैक्षिक संघसंस्था एकदिन बन्द रहने सूचनामा जनाइएको छ ।
हाम्रो कोशी आवाज
