धरानः धरानमा साउन महिनामा मात्रै ४० जना संक्रमितको मृत्यु भएको पाइएको छ ।
धरान उपमहानगरपालिका स्वास्थ्य महाशाखाका प्रमुख उमेश मेहताले साउन महिनामा मात्रै ४० जना संक्रमितको मृत्यु भएको जानकारी दिए । उनका अनुसार साउन महिनामै ५ सय ५९ जना पुरुष र ५ सय ४१ जना महिला संक्रमित भएका थिए ।
यस्तै, दोस्रो भेरियन्ट आएयता वैशाखदेखि हालसम्म ४ हजार २ सय ४४ जना संक्रमित भएको पाइएको उनले जानकारी दिए । उनका अनुसार वैशाखमा ८ सय ६४ संक्रमित थिए भने जेठमा १५ सय ३० जना, असारमा १५९८ र साउनमा १ हजार ९२ जना संक्रमित भएका थिए । यस्तै, वैशाखमा १५ जना, जेठमा ३८ जना र असार ५० जना संक्रमितको मृत्यु भएको उनले जानकारी दिए । धरानमा जम्मा १४३ जना संक्रमितको मृत्यु भइसकेको उनले जानकारी दिए ।
धरानस्थित बीपी कोइराला स्वास्थ्य विज्ञान प्रतिष्ठानका सहप्रवक्ता डा. चुरामणि पोखरेलले अहिले प्रतिष्ठानको क्षमता जति छ त्यति नै संक्रमित भर्ना भएको जानकारी दिए । उनका अनुसार प्रतिष्ठानको कोभिड अस्पतालमा ८५ जनाको क्षमता छ ।