धरानः धरानमा बजाजको आफ्नै शोरुममा ‘एक्सचेञ्ज एण्ड अपग्रेड महामेला’ लाग्ने भएको छ ।
बजाज मोटरसाइकलको धरानका लागि आधिकारिक बिक्रेता अर्विन एण्ड ब्रर्दश अटोले असोज १७ गतेदेखि २३ गतेसम्म महामेला गर्न लागेको शनिबार आयोजित पत्रकार सम्मेलनमा जानकारी दिइयो । शोरुममा १०० सिसीदेखि ४०० सिसीसम्मका मोटरसाइकल बिक्रीका लागि राखिएको उनले जानकारी दिए ।
शनिबार पत्रकार सम्मेलन गर्दै सञ्चालक एवं प्रबन्ध निर्देशक अर्विन तामाङले दशैं, तिहार र छैठ जस्ता महत्वपूर्ण चाडपर्वको अवसर पारेर धरान–८ भोटेपुलस्थित आफ्नै शोरुममा महामेला आयोजना हुने जानकारी दिए ।

उनका अनुसार महामेलामा पुरानो मोटरसाइकलको अधिक मूल्याङ्कन तथा बजार मूल्यभन्दा १० जार थप मूल्याङ्कन गरिनेछ भने शुन्य प्रतिशत ब्याजदरमा सरल फाइनान्स सुविधा पनि उपलब्ध हुनेछ ।
तामाङका अनुसार नगद तथा एक्सचेञ्जबाट खरिद गर्ने ग्राहकहरुले १० हजारदेखि १० लाखसम्म नगद पनि जित्न सक्नेछन् । प्रत्येक महिना देशभरबाट बम्परमार्फत् खरिद तथा एक्सचेञ्ज गर्ने ग्राहकहरुमध्ये एकजनाले यो उपहार पाउनेछन् । मेला अवधिभर प्रत्येक खरिदकर्ताले हेल्मेट र लेगगार्ड पनि निःशुल्क प्राप्त गर्ने प्रबन्ध निर्देशक तामाङले जानकारी दिए ।
कार्यक्रममा उनले नगदमा छुट र फाइनान्सको सुविधा पनि रहेको जानकारी गराए । बजाज ब्राण्डको मोटरसाइकल नेपालमा सर्वाधिक बिक्री हुनेमा पर्दछ । तस्वीरः लक्ष्मण थापा