धरानः रोट्रयाक्ट क्लब अफ धरान घोपा र रोटरी क्लब अफ धरान घोपाको संयुक्त आयोजनामा धरान–१७ स्थित दीपेन्द्र स्कुल फोकल्याण्ड क्षेत्रमा निःशुल्क उच्च रक्तचाप र मधुमेह जाँच शिविर सम्पन्न भएको छ ।
कुल १२२ जना सहभागी भएको शिविरमा उच्च रक्तचापपीडित ३० जना र मधुमेहपीडित दुईजना भेटिएका थिए । डा. केशव पाण्डेले यस रोगको जोखिम क्षेत्रमा रहेका तथा उच्च रक्तचाप र मधुमेहबाट पीडित व्यक्तिहरुलाई आफ्नो आहार र जीवनशैलीको बारेमा परामर्श दिएका थिए ।
शिविरमा १२ जना रोट्रयाक्टरसहित रोटरी क्लब अफ धरान घोपाबाट रोटरियन रोहन हडा र रोटरियन प्रतीक श्रेष्ठको उपस्थिति रहेको थियो । स्वास्थ्य शिविरलाई वडा नम्बर १७, सृष्टि फार्मेसी, न्यूरो अस्पताल फार्मेसी र पञ्चमुखी फार्मेसीले प्रायोजन गरेका थिए । यो संस्थाको स्क्रिनिङ अभियान रहेको जनाइएको छ ।