धरानः धरान-८, बरगाछीस्थित देव मोटर्स होण्डा शोरुममा भइरहेको एक्सचेन्ज महोत्वसवमा स्कुटर एक्सचेन्ज गर्दा एक भाग्यशाली ग्राहकले नगद ५० हजार प्राप्त गरेकी छिन् ।
महोत्सवको सातौंदिन धरान-१७ की उर्मिला राईले स्क्रयाच कुपनबाट नगद रू ५० हजार प्राप्त गरेको मोटर्सका सञ्चालक देवेन्द्र कुँवरले जानकारी गराए । ‘राईले डियो स्कुटर खरिद गर्दा सो रकम हात पारेकी हुन्,’ उनले भने, ‘राईले २ लाख १९ हजार ९ सय पर्ने डियो स्कुटर पुरस्कारको रकम घटाएर मात्र १ लाख ६९ हजार ९ सयमा स्कुटर चढ्न सफल हुनुभएको छ ।’ वडादशैंको अवसर पारेर असोज १५ गतेदेखि सञ्चालित महोत्सव ग्राहकरहरूको अध्याधिक मागका कारण २ दिन थप गरी असोज २३ गते शनिबारसम्म सञ्चालन हुने समेत कुंवरले बताए ।

महोत्वसमा भर्खरै बजारमा भित्रिएको होण्डा कम्पनीको १२५ सिसि ग्राजिया स्कुटर सबै भन्दा धेरै बिक्री भएको छ । होण्डा कम्पनिमा पहिले स्पोर्टस लुक भएको ११० सिसीको डियो स्कुटर मात्र भएकोमा अहिले ग्राजिया समेत रहेको कुँवरले बताए । ग्राजियामा फ्युल इन्जेक्सन प्रविधी रहेको जसको कारण तेलको बचत हुने कुँवरले जनाए । यस्तै, ग्राजियाको अन्य विशेषतामा किल स्विच, आवाज रहित सेल्फ स्टार्ट, स्ट्यान्ड सेन्सर र डिकी भन्दा बाहिर फ्युल ट्याङ्क रहेको उनले जानकारी दिए ।
महोत्वको सातौं दिनसम्ममा ५० वटा भन्दा बढी सवारी बिक्री गरिसकेको जसमा एउटा ३५० सिसीको हाइनेस मोटरसाइकल समेत बिक्री भएको कुँवरले जानकारी गराए । एक्सचेन्ज महोत्सवमा सहभागी ग्राहकहरुमध्ये नेपाल अधिराज्यभरबाट बम्परमा लक्की ड्र मार्फत् १ जना भाग्यशाली ग्राहकले १५ लाख जित्न सकिने र ७ प्रदेशमा १–१ जना ग्राहलकले जनही १–१ लाख नगद पाउने समेत उनले जानकारी दिए ।