सुनसरीः नेकपा एमाले सुनसरी जिल्ला कमिटी सातौं अधिवेशनबाट अध्यक्षमा रेवतीरमण भण्डारी विजयी भएका छन् ।
बिहीबार साँझ सकिएको मतगणना अनुसार भण्डारीले अध्यक्ष पदका दुई उम्मेदवारलाई पराजित गरेका हुन् । विजयी भएका भण्डारीले ९२० मत ल्याए । अध्यक्ष पदका उम्मेदवार खेमराज पोखरेलले सात सय ७५ र द्वारिकलाल चौधरीले ८० मत ल्याए । एमालेको जिल्ला निर्वाचनमा एक हजार आठ सय पाँच मत खसेको थियो ।
यस्तै, उपाध्यक्षमा निलम खनाल विजयी भएका छन् । खनालले एक हजार ११ तथा नन्दकुमार बस्नेतले सात सय मत प्राप्त गरे । सचिवमा पर्शुराम यादव, उपसचिवमा योग्यराज खड्का र राम कोइराला निर्वाचित भएका छन् । निर्वाचित अध्यक्षसहित पदाधिकारी एमाले अध्यक्ष केपी शर्मा ओली पक्षधर हुन् ।
भण्डारीले ९२० मत प्राप्त गर्दा निकटतम प्रतिस्पर्धी खेमराज पोखरेल ७७५ र द्वारिकलाल चौधरीले ८० मत मात्रै पाए । पार्टीभित्र आफूलाई प्रभावशाली ठान्ने इटहरी उपमहानगरपालिका प्रमुख चौधरीको यो हार लज्जास्पद भएको छ ।
यस्तै उपाध्यक्षमा भण्डारी प्यानलबाट निलम खनाल निर्वाचित भएका छन् भने सचिवमा परशुराम यादव निर्विरोध भइसकेका थिए । उपसचिवमा राम कोइराला र योग्यराज खड्का निर्वाचित भएका छन् । यादव, कोइराला र खड्का भण्डारी समर्थक हुन् । यो नतिजा देखिएसँगै अन्य पदमा पनि भण्डारी समर्थक नेताहरु विजयी बन्ने संकेत देखिएको छ ।
विजयी र पराजित उम्मेदवारहरुले पाएको मत परिणाम यस्तो छ ।
जम्मा मतदाता: १८०५
अध्यक्ष
रेवती भण्डारी – ९२०
खेमराज पोख्रेल – ७७५
द्वारिक लाल चौधरी ८०
उपाध्यक्ष
नन्दकुमार बस्नेत ७००
निलम खनाल – १०११
उपसचिव
अन्जनीकुमार पोख्रेल – ४९७
अर्जुन गहतराज – २२९
पदमप्रसाद लिम्बू– ५२५
योग्यराज खड्का – ५६३
लहरुमाया जिमी – २४९
लोकेस निरौला – ४८४
राम कोइराला – ८२१