धरानः धरान–१० पुतलीलाइनमा तीनजना युवा मिलेर ‘कफी पब एण्ड रेष्टो’ शुरुवात गरेका छन् ।
धरानका तीनजना युवा मिलेर ८० लाख रुपैयाँको लगानीमा सो पब सञ्चालनमा ल्याउन लागेका हुन् । ज्वाइँ खानाको मुनि सो पब सञ्चालनमा आएको हो । ज्वाइँ खानाका सञ्चालक हरि श्रेष्ठ, पत्रकार शिशिर राई र व्यवसायी रोमकुमारी लिम्बूको संयुक्त लगानीमा लगानीमा पब एण्ड रेष्टो शुरु भएको पत्रकार सम्मेलनमा जानकारी दिए ।
सञ्चालक श्रेष्ठका अनुसार पवमा हाँसको छोइला, कालिजको मासु, बँदेलको मासु, मःमका भेराइटी (झानेको, साँदेको, छोइला चार्ट, चटपटे मःमलगायत अन्य) का स्वाद चाख्न पाइनेछ । यस्तै, फरक तरिकाले खसी, बङ्गुरलगायतको फोक्सोको आइटम पनि चाख्न पाइने उनले जानकारी दिए ।

यस्तै, बेकरी आइटम (पिज्जा, वर्गर आदि), अनुभवी वारिष्ठा र सेफले बनाएको कफी, बेकरी आइटम, फाष्टफुड, इण्डियन, नेपाली, चाइनीज परिकारहरु पनि पाइनेछ । यस्तै, बैठक, बर्थ डे पार्टीको लागि छुट्टै क्याबिन कटेज पनि रहेको छ । कफी पवले शुभारम्भको अवसरमा फागुन १ गतेदेखि १५ गतेसम्म हरेक खाना तथा पेय पदार्थमा १० प्रतिशत छुट दिने पनि जनाएको छ । सञ्चालकहरुले आइतबार (फागुन १) गतेदेखि पब एण्ड रेष्टो सञ्चालनमा आउने जानकारी दिएका हुन् । पब एण्ड रेष्टो बिहान ७ बजेदेखि राति १० बजेसम्म सञ्चालन हुने जनाइएको छ ।
पब एण्ड रेष्टोमा १४ फ्रेबुअरी अर्थात् भ्यालेन्टाइन डेको दिन चर्चित साहित्यकार एवं कलाकार उपेन्द्र सुब्बा (झाक्री)को एकल कविता वाचन आयोजना हुने भएको छ । साँझ ५ बजेदेखि शुरु हुने कार्यक्रममा शुरुवातमा नाद सरगम संगीत विद्यालयका कलाकार प्रिया लामा र रोनिश श्रेष्ठले अकुस्टकी शैलीमा गीत प्रस्तुत गर्नेछन् । उनीहरुको प्रस्तुति करिब २ घण्टा हुनेछ ।
त्यसपछि करिब ७ बजेदेखि कलाकार उपेन्द्र सुब्बाको प्रस्तुति शुरु हुनेछ । उनले आफ्नो पुराना र नयाँ प्रेमिल कविताहरु वाचन गर्नेछन् । उनले पनि करिब २ घण्टा कविता वाचन गर्ने र कार्यक्रम राति ९ बजेसम्म हुने आयोजकले जनाएको छ । सो कार्यक्रमको लागि प्रवेश टिकट लाग्नेछ भने टिकट रकम बराबरको कम्प्लिमेन्ट्री ड्रिंस र स्न्याक्स उपलब्ध हुने श्रेष्ठले बताए । निमन्त्रणा कार्डसहित आउनेहरुलाई पनि प्रवेश निःशुल्क हुनेछ ।