धरानः धरानमा स्वास्थ्यका लागि हाइकिङ (पैदलयात्रा) कार्यक्रम आयोजना भएको छ ।
व्यस्त र भागदौडपूर्ण दैनिकीलाई थाँती राख्दै स्वास्थ्यका लागि हिँड्नुपर्छ भन्ने सन्देश छर्न शनिबार बिहान यस्तो कार्यक्रम आयोजना भएको हो ।
मानव जीवनलाई स्वस्थ जीवनयापन गर्न सन्देश दिँदै आएको ‘सेवक अभियान’ ले स्वास्थ्यको लागि पदयात्रा कार्यक्रम आयोजना गरेको हो । स्वास्थ्यका लागि पदयात्रा कार्यक्रम २०० औं सप्ताह प्रवेश गरेको अवस्थामा यस्तो कार्यक्रम आयोजना गरिएको अभियन्ता राजीव हलवाईले जानकारी दिए ।
कार्यक्रममा प्रदेश १ का सभामुख प्रदीपकुमार भण्डारी, धरानका मेयर तिलक राई, उपमेयर मञ्जु भण्डारी सुवेदीसमेत सहभागी भए ।
एग्रो टुरिजमलाई समेत प्रवद्र्धन गर्ने उद्देश्यले ९.३ किलोमिटरको दुरी तय भएको उनले जानकारी दिए । शनिबार सिंहदेवी चोकदेखि पदयात्रा शुरु भएको थियो । उनका अनुसार स्वास्थ्यमा सचेत हुँदै गरेका नागरिक यो अभियानमा सरिक हुन थालेका छन् । सबै उमेर समूहका व्यक्तिहरू यस अभियानमा सहभागी हुन थालेको उनले जानकारी दिए । उनका अनुसार अहिले हाइकिङले धरानेको स्वास्थ्यमा महत्वपूर्ण भूमिका खेल्दै आएको छ । उनका अनुसार यतिका श्रृङ्खलासम्म आइपुग्दा अहिलेसम्म कुनै रुट दोहोरिएको छैन । हरेकपल्ट नयाँ नयाँ रुट तय हुन्छ । तस्वीरहरुः हाम्रो कोशी आवाज