धरानः धरानस्थित बराह बचत तथा ऋण सहकारी संस्थाले नआत्तिन आग्रह गरेको छ ।
आइतबार एक विज्ञप्ति जारी गर्दै शेयर सदस्य, बचतकर्ताहरुमा नकारात्मक प्रभावमा नपर्न आग्रह गरेको हो । ‘हजुरहरुको लगानी र विश्वासलाई टुट्न दिने छैनौं, हामी सम्पर्क र जिम्मेवारीबाट टाढा हुने छैनौं, असहज परिस्थितिका कारण सबैमा सम्पर्क र समन्वय हुन नसकेकोले क्षमाप्रार्थी छौं’, जारी विज्ञप्तिमा भनिएको छ ।
विज्ञप्तिमा विभिन्न समिति एवं समूह बनाइ विभिन्न निकायहरुमा गई संस्था सञ्चालन एवम् बचत रकम फिर्ता गराइदिन हुन अनुरोध गरेको र अहिले समस्या समाधान गर्न सञ्चालक एवं जिम्मेवार व्यक्ति लागिपरिरहेको जनाइएको छ ।
उता आफ्नो बचत पैसा फिर्ता नपाई पीडित बनेकाहरुले शनिबार मेयर हर्कराज राई (साम्पाङ) लाई भेटेर सङ्घर्ष समिति बनाएरै आन्दोलनमा लागेको जनाएका छन् ।
करोडौं रकम राखेका बचतकर्ताले आफ्नो पैसा नपाएपछि संञघर्ष समिति बनाएरै आन्दोलञनमा उत्रिएको उद्घोष गरेका छन् । संघर्ष समिति बनाएका बचतञकर्ताहरुले मेयर साम्पाङलाई ज्ञापनपत्र समेत बुझाइसकेका छन् । मेयर सम्पाङसँगको भेटमा संघर्ष समितिका संयोजक खगेन्द्र नेपालीले बराहका सञ्चालकहरुलाई जेठ १८ गतेसम्मको अल्टिमेटम दिइएको बताएका छन् । उनीहरुले जेठ १८ गते सम्ममा बचतकर्ताहरुको समस्या हल नभए बराहको भानुचोकस्थित कम्प्लेक्स, धनकुटे रोडस्थित बराह भवन र भेडेटारको व्यपारिक भवन बन्द गराउने उनले चेतावनी दिएका छन् ।
सहभागीहरुसँगको भेटमा मेयर साम्पाङले कानुन र आफ्नो क्षेत्राधिकारभित्र रहेर पहल गर्ने आश्वासन दिएका थिए ।