धरानः धरानमा क्लाउड नाइन लाउञ्ज एण्ड बार सञ्चालनमा आएको छ ।
भानुचोकनजिक धरान-९ पुतली लाइनको सैलुङ डिपार्टमेन्टल स्टोर र लक्ष्मी बैंक भएको भवनको सबैभन्दा मथिल्लो तलामा सो बार सञ्चालनमा आएको हो ।
धरान उपमहानगरपालिकाका उपमेयर अइन्द्रविक्रम बेघाले सो बारको उद्घाटन गरेका थिए । धरानको आन्तरिक तथा बाह्य पर्यटकलाई ध्यानमा राखी एककरोड ५० लाख रुपैयाँको लगानीमा सो बार सञ्चालनमा आएको सञ्चालकमध्येका मानबहादुर मगरले जानकारी दिए ।
मानबहादुर, उत्तम कार्की, रमेश श्रेष्ठ, सुरज राई, देवेन्द्रबहादुर पाण्डे र तिलक पाण्डे मिलेर सो बार सञ्चालनमा ल्याएका हुन् । लाउञ्जमा ग्राहकवर्गले पारिवारिक वातावरणमा राष्ट्रिय तथा अन्तराष्ट्रिय परिकारहरु, बार, क्याफे, मिटिङ, सेमिनार तथा विभिन्न कार्यक्रमका लागि हलको सुविधा पाउने सञ्चालक मगर बताउँछन् ।

एसी जडित सुविधा सम्पन्न तथा अत्याधुनिक लाउञ्जमा एक पटकमा १५० जनाको लागि खानपानको ब्यवस्थापन गर्न सकिने क्षमता रहेको उनले जानकारी दिए । सुरुवाती चरणमा सेवा दिनको लागि १२ जना कर्मचारी राखिएको छ भने आवश्यकताअनुसार कर्मचारी थपिने पनि सन्चालक मगरले जानकारी दिए । सुरक्षाको दृष्टिकोणलाई मध्यनजर गरी अत्याधुनिक सिसी क्यामरा, सेक्युरिटी गार्डसहित पार्किङको सुविधा समेत रहेको छ भने ग्राहकवर्गको लागि विशेष अवसरहरुमा चर्चित कलाकारहरुसँगको सांस्कृतिक तथा सांगीतिक कार्यक्रमहरुको पनि आयोजना गरिनेछ ।
सबै सञ्चालकहरुले आफूलाई सफल व्यवसायीको रुपमा उभ्याइसकेकोले पनि व्यवसाय सफल हुने उनीहरुको विश्वास छ । सञ्चालक तथा सेफ तिलक पाण्डेले देश तथा विदेशका फाइभ स्टार होटलमा काम गरेको लामो अनुभव रहेको छ । उत्कृष्ट सेवा सुविधा प्रदान गरी धरानकै नमूना लाउन्ज एण्ड बारको रुपमा स्थापित गरी प्रालिबाट पछि कम्पनीमा रुपान्तरण गर्ने उद्देश्य रहेको सञ्चालकहरुको भनाइ छ ।