धरानः धरानमा अग्लो बुद्धको मूर्ति निर्माण भएको छ ।
धरान–४ धरान–४ छोटी मोरङमा ४० फिटको बुद्धको मूर्ति स्थापना भएको हो । सो मूर्तिको प्रदेश प्रमुख पर्शुराम खापुङले अनावरण गरेका छन् ।
कार्यक्रममा बोल्दै उनले ४० फिटको बुद्धको प्रतिमाले धरानको पर्यटन प्रवद्र्धनमा भूमिका खेल्ने बताए । कार्यक्रममा सूर्योदय बुद्ध विहारका प्रमुख भिक्षु मेधङकर स्थवीरले बिग बुद्ध निर्माण भएसँगै पर्यटन प्रवद्र्धनमा सघाउ पुग्ने बताए ।
सो मूर्ति सूर्योदय बुद्ध विहारद्वारा ३५ लाख रुपैयाँको लागतमा निर्माण भएको हो ।
भेडेटारनजिकै छोटीमोरङ थुम्कीडाँडामा सो मूर्ति निर्माण भएको सूर्योदय बुद्ध बिहारका अध्यक्ष प्रदीप थापा मगरले जानकारी दिए ।
बिग बुद्ध प्रतिमा निर्माणका लागि उपमहानगरपालिका, सुनसरी जिल्ला वन कार्यालय र वन मन्त्रालयको सिफारिसमा मन्त्रिपरिषद्ले १५ बिघा ८ कट्ठा जग्गा सूर्योदय बुद्ध बिहारलाई धार्मिक वनअन्तर्गत उपलब्ध गराउने निर्णय गरेको थियो ।