पाँचथरः पाँचथरको फालेलुङ गाँउपालिका-७ बिदीनमा पहिरोले घर पुरिँदा तीनजनाको मृत्यु भएको छ भने १ जनालाई प्रहरीले सकुशल उद्दार गरेको छ ।
शुक्रबार राति वर्षातको कारण गएको पहिरोले स्थानीय रुपलाल मगरको ढुंगा माटोले बनेको तीनतले घर र गाईगोठ समेत पुरेको थियो ।
पहिरो गएको स्थानमा तत्काल खटिएको प्रहरी चौकी सिदिन र जिल्ला प्रहरी कार्यालय पाँचथरको प्रहरी टोलीले उद्दार गर्ने क्रममा रुपलालका काका ७१ वर्षीय दलप्रसाद मगरलाई सकुशल उद्दार गरेको थियो भने पहिरोमा पुरिइ बेपत्ता भएकाहरुको खोजतलासको क्रममा ५५ वर्षीय रुपलाल मगर र उनको ४२ वर्षीया श्रीमती गोमा मगर, दलप्रसादको १९ वर्षीया नातिनी एलिसा मगरलाई आइतबार बिहान मृत अवस्थामा फेला पारेको हो ।
हाम्रो कोशी आवाज
