धरानः धरान उपमहानगरपालिकाका मेयर हर्क साम्पाङले आफ्ना लागि किन्ने आफ्नो सोंच रहेको बताएका छन् ।
मेयर साम्पाङले सामाजिक सञ्जाल फेसबुकमा लेख्दै मेयरलाई चढ्न भनिएको स्कर्पियो गाडी बेच्न लागेको उल्लेख गरेका हुन् । आफ्नो यो प्रस्तावलाई बिहीबार बसेको कार्यपालिका बैठकले ताली बजाएको समेत उनले बताएका छन् ।
‘मेयरलाई भनेर किनिएको स्कर्पियो गाडी बेचेर धरानको बाटोभरिका खाल्डा टाल्न यो रोलर मेसिन किन्ने विचार छ मेरो’, कार्यपालिकाले ताली बजार अनुमोदनसमेत गरिदिएको छ, जय धरान ।’
स्वतन्त्र रुपमा मेयरमा निर्वाचित साम्पाङले नगपालिकाको गाडी प्रयोग गरेका छैनन् । यसअघि नै मेयरलाई चढ्न भनेर स्कारपिओ गाडी किनिएको थियो । तर उनी अहिले पनि आफ्नै मोटरसाइकल चढेर हिँडिरहेका छन् ।
उनले फेसबुकमा समेत लेखेका छन्, ‘मेयरलाई भनेर किनिएको स्कोर्पियो गाडी बेचेर धरानको बाटोभरिका खाल्डा टाल्न यो रोलर मेसिन किन्ने विचार छ मेरो । आज कार्यपालिकाले ताली बजाएर अनुमोदन समेत गरिदेको छ । जय धरान ।’