धरानः धरान–२ स्थित गोरखा बचत तथा ऋण सहकारी संस्था लि. ले निःशुल्क स्वास्थ्य शिविर आयोजना गरेको छ ।
स्वास्थ्य शिविरमा २ सय ६७ जना धरानबासी लाभान्वित भएका छन् । सामाजिक उत्तरदायित्व कार्यक्रमअन्तर्गत संस्थाले यस्तो कार्यक्रम राखेको संस्थाका अध्यक्ष मानबहादुर राईले जानकारी दिए । केएचडिसी नेपालको सहयोगमा धरान–१० स्थित यलम्वर स्मृति सङ्ग्रहालयको भवनमा शिविर कार्यक्रम आयोजना गरिएको संस्थाका सहसचिव तथा कार्यक्रम संयोजक नविन राईले जानकारी दिए । शिविरमा मृगौला, मुटुरोग, उच्च रक्तचाप, मृगौलाको रक्त शुद्धिकरणलगायतको परीक्षण गरिएको उनले जानकारी दिए ।
कार्यक्रममा बीपी कोइराला स्वास्थ्य विज्ञान प्रतिष्ठानका डा. सञ्जीव शर्माको टोलीले स्वास्थ्य परीक्षण गरेको थियो । कार्यक्रममा बोल्दै डा. शर्माले स्वास्थ्य ध्यान दिन लागिपर्नुपर्ने बताए ।
तस्वीरः हाम्रो कोशी आवाज