बिर्तामोडः झापामा सुनको सिक्री थुतेर भाग्ने एकजनालाई पक्राउ परेका छन् ।
मेचनगर नगरपालिका १० धुलाबारी बजारमा घाँटीमा लगाएको सुनको सिक्री थुती भाग्ने एकजनालाई प्रहरीले तुरुन्त पक्राउ गरिएको प्रहरीले जनाएको छ । पक्राउ पर्नेमा बारा जितपुर नगरपालिका ९ बस्ने २० वर्षीय निरज राय रहेका छन् ।
रायले शुक्रबार साढे ६ बजे बजारमा किनमेल गरिरहेकी धुलाबारी नगरपालिका ९ बस्ने ५० वर्षीया गीता अधिकारीले घाँटीमा लगाएको डेढ तोलाको सुनको सिक्री थुतेर भागेका थिए ।
घटनाको जानकारी पाएलगत्तै इलाका प्रहरी कार्यालय धुलाबारीबाट खटिएको प्रहरी टोलीले तत्कालै सिक्रीसहित रायलाई पक्राउ गर्न सफल भएको हो । पक्राउ परेका रायलाई इलाका प्रहरी कार्यालय धुलाबारीले थप अनुसन्धान गरिरहेको प्रदेश १ प्रहरी कार्यालय विराटनगरका प्रहरी उपरीक्षक नविनराज राईले जानकारी दिए ।