सुनसरीः सुनसरीको बराहक्षेत्र नगरपालिका-६ सिसौलीबाट प्रहरीले अवैध लागूऔषध गाँजा बरामद गरेको छ ।
इलाका प्रहरी कार्यालय महेन्द्रनगरबाट खटिएको प्रहरी निरीक्षकको टोलीले कोशी नदीको दुईवटा भङ्गालोबीच टापुमा लुकाइछिपाइ राखेको अवस्थामा १२२ किलोग्राम (५ बोरा) अवैध लागूऔषध गाँजा फेला पारेको हो ।
फेला परेको गाँजालाई इलाका प्रहरी कार्यालय महेन्द्रनगरमा ल्याइ राखिएको र ओसार पसारमा संलग्न ब्यक्तिहरुको खोजतलास तथा अन्य अनुसन्धान भइरहेको इलाका प्रहरी कार्यालय महेन्द्रनगरका प्रमुख टीका कार्कीले जानकारी दिए । लागूऔषध गाँजा लिई आउने मानिसहरु दोस्रो भङगालोबाट डुङ्गामा चढी डुङ्गाबाट कोशीपारी भागी फरार भएका थिए । –शीर्षकमा गाँजा शब्द थप गरिएको छ ।
हाम्रो कोशी आवाज
