धरानः बैंकिङ कसुर मुद्दाका फरार प्रतिवादी पक्राउ गरिएको छ ।
धरान उपमहानगरपालिका ०९ बस्ने ३२ वर्षीय लक्ष्मण कार्की रहेका छन् । कार्कीलाई १ नं. प्रदेश प्रहरी कार्यालय विराटनगरको आरआइटीबाट खटीएको प्रहरी टोलीले खोजतलास गर्ने क्रममा धरान–१२ छाताचोक स्थित लुकिछिपी बसेको अवस्थामा फेला पारी पक्राउ गरेको इलाका प्रहरी कार्यालय धरानका डिएसपी बुद्ध श्रेष्ठले जानकारी दिए ।
फरार रहेका कार्कीको बैकिङ कसुर मुद्दामा उच्च अदालत विराटनगरको मिति २०७७ पुस २७ गतेको सजाय निर्धारण फैसला आदेशले क्रमशः २ दिन कैद र ९ लाख ५० हजार जरीवाना भई लगत नं. ७६१ मा कैद तथा जरीवाना बेरुजु रही असुल गर्न बाँकी रहेको थियो ।
पक्राउ परेका कार्कीलाई सुनसरी जिल्ला अदालतबाट कैद भुक्तानको लागी झुम्का कारागार पठाएको प्रहरीले जनाएको छ । उनको खास घर मोरङ रतुवामाई नगरपालिका ०६ रहेको पाइएको प्रहरीले जनाएको छ ।