धरानः होटल म्यानेजमेन्ट अध्यापनको क्षेत्रमा पूर्वी नेपालमा नाम कमाएको धरानमा रहेको प्राइम भिजन इन्टरनेशनल हस्पिटालिटी म्यानेजमेन्ट कलेजले कक्षा–११ का विद्यार्थीलाई ओरिएनटेसन प्रोग्राम सम्पन्न गरेको छ ।
पाँचतारे होटलहरुको सञ्चालन प्रक्रिया सम्बन्धी विद्यार्थीलाई स्थलगतरुपमा अवलोकनसहित झापामा रहेको होटल मेची क्राउनमा ओरिएनटेसन प्रोग्राम सम्पन्न गरेको हो ।
एडभान्स डिप्लोमा इन हस्पिटालिटी म्यानेजमेन्ट र म्यानेजमेन्ट विषय संयुक्तरुपमा अध्ययनका लागि आएका विद्यार्थीलाई होटल मेची क्राउनका एचआर मेनेजर समिर संग्रौलाले होटल क्षेत्रमा आफूले भोगेका तितामिठा अनुभवका बारेमा जानकारी गराएका थिए । साथै संग्रौलाले विद्यार्थीहरुलाई होटल भिजिट समेत गराएका थिए ।
कलेज र कोर्षका विषयमा कलेजका कार्यक्रम संयोजक संगीत सिग्देलले विद्यार्थीहरुलाई सहजीकरण गरेका थिए । कार्यक्रममा विद्यार्थीहरुलाई एलसीसीआईले तयार पारेको होटल म्यानेजमेन्टसम्बन्धी पाठ्यपुस्तक, ब्याग तथा होटल म्यानेजमेन्टका प्रयोगात्मक शिक्षामा प्रयोग हुने सामाग्रीहरु समेत उपलब्ध गराइएको थियो ।