विराटनगरः १ नम्बर प्रदेश प्रहरी कार्यालय विराटनगरले आत्महत्या रोकथाम तथा न्युनीकरणका लागि पर्चा पम्प्लेट वितरण तथा माइकिङको माध्यमबाट जनमानसमा सचेतना फैल्याउने कार्यको थालनी शुरु भएको छ ।
यही असोज २ गते देखी १ नम्बर प्रदेशका १४ वटै जिल्लाहरुबाट आत्महत्या रोकथाम तथा न्युनीकरणसम्बन्धी सचेतना कार्यक्रमको शुभारम्भ भएसँगै प्रदेश प्रहरी कार्यालय विराटनगरले तराईका जिल्लाहरुमा चेतनामूलक माइकिङ तथा पर्चा पम्प्लेटहरु वितरण गर्ने कार्यको थालनी गरेको हो ।
प्रदेश प्रहरी कार्यालय विराटनगरले कार्यालयको अटो टेम्पोमा प्रहरी कर्मचारी खटाइ पहिलो चरणमा झापा मोरङ र सुनसरी जिल्लाका ग्रामिण इलाकाहरुसम्म पुग्ने गरी चेतनामूलक माइकिङ तथा पर्चा पम्प्लेटहरु वितरण गर्ने कार्य थालिएको १ नम्बर प्रदेश प्रहरी कार्यालय विराटनगरका सूचना समन्वय अधिकृत प्रहरी उपरीक्षक नविनराज राईले जानकारी दिए ।