धरानः सूर्य आई केयर अस्पताल धरान १२ ले निःशुल्क आँखा शिविर सम्पन्न गरेको छ ।
रोटरी क्लब अफ धरान र रोटरयाक क्लब अफ धरानको सहकार्यमा धरान–१३ को वडा कार्यालयमा सो शिविर सम्पन्न भएको हो । धरान उपमहानगरपालिका १३ नं. वडा कार्यालयको समेत विशेष सहयोगमा सम्पन्न शिविरमा १०३ जनाले आँखा जाँच गरेका थिए । धरानका हरेक वडा कार्यालय र विभिन्न संघ संस्था र समूहसँग सहकार्य गरेर सूर्य आई केयर अस्पतालले निःशुल्क आँखा शिविर संचालन गरिरहेको छ ।
अस्पताल धरानमै भएकाले धरान र धरान आसपासका समुदायहरुका आँखा रोगीहरुको स्वाथ्य उपचारमा विशेष प्राथमिकता दिएर सेवा प्रदान गरिरहेको सूर्य आई कियरका वरिष्ट आँखा रोग विशषज्ञ डा. इच्छा जोशीले जानकारी दिइन् । शिविर धरान १३ को वडा कार्यालयमा सञलन गरेर आँखा रोगीहरुको उपचारमा सहयोग गरेकोमा आयोजकहरुलाई वडाध्यक्ष नेत्र काफ्लेले धन्यवाद दिएका थिए ।
१०३ जनाको आँखा जाँच गरिएकोमा १५ जनाको मोतिया बिन्दुको अपरेशन गर्नुपर्ने र १७ जनाको आँखासम्बन्धी विशेष रोग भएको पाइएको थियो । शिविरमा निःशुल्क सुगर जाँच, निःशुल्क औषधि र सहुलियत मूल्यमा चस्मा उपलब्ध गरिएको थियो । आँखाको मोतिया विन्दुको अपरेशन लगायत कुनैपनि किसिमको सेवा धरानमा नै विशेष सहुलियत दिए उपलब्ध गराउने योजना रहेको छ ।
समाजले आफ्ना सदस्य परिवार साथै स्थानीय समुदाय समेतलाई लक्षित गरी शिविर संचालन गरेको रोटरी क्लब अफ धरानका अध्यक्ष राजेन्द्र गुरुङले बताए । आँखा शिविरबाट रोट्रयाक क्लवका युवाहरुलाई समेत सामाजिक सेवामा सहभागी गराउँदै उनीहरुको व्यक्तित्व विकासमा सहयोग पुगेकोमा कार्यक्रम संयाजक सरिता न्यौपानेले खुशी व्यक्त गरेका थिए ।
आफ्नो वडामा घर नजिकै आँखा सम्बन्धी विशिष्ट सेवा पाएकोमा सहभागीहरुले आफूहरु सन्तुष्ट भएको प्रतिक्रिया दिएका थिए । डिसेम्वर महिना हेल्थ मन्थ भएकाले यो आँखा शिविर सम्पन्न गरेको रोटरी क्लवका पूर्व अध्यक्ष रविन श्रेष्ठले जानकारी दिए । आगामी दिनमा पनि सूर्य आई केयर अस्पतालसँग सहकार्य गरेर शिविर सम्पन्न गर्ने धारणा रोटरी क्लब अफ धरानकी सचिव दिभा अमात्यले धारणा राखेका थिइन् । कार्यक्रममा रोटरी क्लबका पूर्व अध्यक्ष युगलकुमार श्रेष्ठ, सुरेन्द्रमान् स्थापित र रोटरयाक क्लबका पदाधिकारीहरुको बाक्लो सहभागिता रहेको थियो ।

\