सुनसरीः सुनसरीको इटहरी उपमहानगरपलिका–१३ स्थितबाट स्कुटर चोरी गर्ने एकजनालाई प्रहरीले पक्राउ गरेको छ ।
पक्राउ पर्नेमा बर्दीवास नगरपालिका–२ महोत्तरीका ३० वर्षीय राम दुलार महतो रहेका छन् । बुधबार बेलुका इटहरी–१३ का रोशन चौधरीको घर अगाडि पार्किङ गरी राखेको को३३प ८५५३ नम्बरको स्कुटर चोरी गरी लाँदै गरेको अवस्थामा प्रहरीले फेला पारी उनलाई पक्राउ गरेको हो ।
पक्राउ परेका महतोको इलाका प्रहरी कार्यालय इटहरीबाट थप अनुसन्धान भइरहेको छ १ नम्बर प्रदेश प्रहरी कार्यालय विराटनगरका सूचना समन्वय अधिकृत प्रहरी उपरीक्षक नविनराज राईले जानकारी दिए ।
हाम्रो कोशी आवाज
