धरानः धरान उपमहानगरपालिकाका स्थानीयबासी स्व. भवनलाल सोनीको स्मृतिमा श्री क्षाबेनाङ्ज्यो शिङ्सा क्षोलिङ गुम्बालाई नगद ५१ हजार सहयोग गरेको छ ।
गुम्बा परिसर पुगेर सोनिका छोरा श्याम सोनी, बुहारी सितल सोनीसहितको आफन्त पुगेर रकम हस्तान्तरण गरेका हुन । रकम गुम्बाका अध्यक्ष बम्बु भोटे र कोषाध्यक्ष छजुङ भोटेले लिएका छन् । निर्माणाधीन अवस्थामा रहेको गुम्बालाई आर्थिक जुटाउने क्रममा विभिन्न ब्यक्ति संघसंस्थालाई सहयोगको हात फैलाउने क्रममा सोनी परिवारबाट सहयोग मिलेको हो । श्याम सोनिले हरेक वर्ष बुबाको स्मृतिमा आर्थिक सहयोग गर्ने क्रममा यसपटक यस गुम्बालाई सहयोग गरेको बताए । श्याम सोनीले बुबाको नाममा स्मृति प्रतिष्ठान नै स्थापना गर्ने योजना रहेको बताए । गुम्बालाई रकम हस्तान्तरण गर्दै बुहारी शितल सोनिले ससुराले सामाजिक सेवामा लाग्ने प्रेरणा दिइरहने बताए । त्यही भएर पवित्र गुम्बाको लागि आर्थिक सहयोग गर्ने योजना अनुसार सहयोग उपलब्ध गरेको बताए ।
रकम हस्तान्तरण कार्यक्रममा गुम्बाका उपाध्यक्ष मिक्मा भोटे, सुम्ब भोटे लगायत छेसाङ भोटे लगायतको उपस्थित थिए । धरान उपमहानगरपालिका वडा नम्बर १५ बगरकोटमा निर्माणाधीन अवस्था सो गुम्बा रहेको छ । दुई तले उक्त गुम्बाको लागत स्टिमेट करिब एक करोडको छ । हाल भवन दुई तले बनिसकेको छ ।