धरानः उदयपुर, झापा र मोरङको छुट्टाछुट्टै स्थानबाट प्रतिबन्धित लागूऔषध ब्राउन सुगर र औषधिसहित चारजनालाई प्रहरीले पक्राउ गरेको छ ।
झापाको भद्रपुर नगरपालिका–४ स्थितमा चेकजाँचको क्रममा सोही स्थनका २० वर्षीय सुदीप चेम्जोङ र ज्ञानेन्द्र केरुङलाई ३ ग्राम ब्राउन सुगरसहित प्रहरीले पक्राउ गरेको हो भने लागूऔषध नियन्त्रण ब्यूरो विराटनगरबाट खटिएको प्रहरी टोलीले विराटनगर–१५ स्थितबाट भारत बाट नेपाल आउँदै गरेका उदयपुरका २४ वर्षीय रोशन परीयारलाई लुपिजेशिक, ऐभिल, डाइजेपाम र फेनरगन गरी २० एम्पुलसहित नियन्त्रणमा लिएको हो ।
यसैगरी उदयपुरको प्रहरी चौकी लालपत्ताबाट खटिएको प्रहरी टोलीले लहानबाट गाईघाट तर्फ आउँदै गरेको मे१ख ३०५४ नम्बरको बसमा सवार रहेका त्रियुगा नगरपालिका–१३ का १९ वर्षीय पासर राईलाई सिटमुनि लुकाइ राखेको डाइजेपाम, फेनारगन र बु्रफिनोफिन समेत गरी ४८ एम्पुल औषधिसहित पक्राउ गरिएको हो । प्रतिबन्धित लागूऔषध सहित पक्राउ परेका उनीहरुको थप अनुसन्धान भइरहेको छ ।