धरानः धरान-१४ पिण्डेश्वर मन्दिर परिसरमा रहेको पोखरीका माछा कोशी पुरयाइएर छाडिएको छ ।
ग्रेडिङ गरेर झन्डै ६ सय केजी माछा कोशी पुरयाएर छाडिएको वडाध्यक्ष कृष्णप्रसाद भट्टराईले जानकारी दिए । पानी नपरेर, अक्सिजन कम भएर वा अन्य विविध कारणले झन्डै दुई सय केजीसम्म माछा मरेपछि अन्यलाई उद्दार गरेर कोशीमा छाडिएको उनले जानकारी दिए । ‘दमकलबाट सफा पानी ल्याएर हाल्ने काम पनि भयो तर पनि माछा मर्न नछाडेपछि कोशी लगिएको हो ।’ उनले भने ।
त्यहाँको माछा कसैले बिक्री गरे बिरामी हुने, जसले बिक्री गर्छ उसको लागि फलिफाप नहुने धार्मिक विश्वास रहिआएको उनले जानकारी दिए । उनले पोखरीमा माछाको संख्या धेरै भएकोले निकालेर अन्यत्र सार्नुपर्ने अवस्था आएको बताए ।
हाम्रो कोशी आवाज
