सुनसरीः धरानबाट हिँडेको अटो टेम्पोमा यार्सागुम्बा फेला परेपछि दुईजना पक्राउ परेका छन् ।
इटहरी उपमहानगरपालिका–२० तरहरा स्थितबाट दुर्लभ यार्सागुम्बासहित दुईजनालाई प्रहरीले पक्राउ गरेको हो । प्रहरी चौकी तरहराबाट चेकिङमा खटिएको प्रहरी टोलीले धरानबाट इटहरीतर्फ जाँदै गरेको को२ह १०७ नम्बरको अटो टेम्पो रोकी चेकजाँच गर्ने क्रममा कार्टुनमा प्याक गरेको अवस्थामा अवैधरुपमा ८ किलो २५० ग्राम यार्सागुम्वा बरामद गरेको हो ।
यार्सागुम्बा बरामद भएसँगै ओसार पसारमा संलग्न रहेकी धरान उपमहानगरपालिका–३ कि ४२ वर्षीया छजुङ भोटे र अटो टेम्पो चालक धरान–१९ का ४३ वर्षीय पुष्पराज राई समेतलाई पक्राउ गरी आवश्यक कारवाहीको लागि सवडिभिजन वन कार्यालय तरहरा, सुनसरीमा बुझाएको छ भने इलाका प्रहरी कार्यालय इटहरीबाट अन्य थप अनुसन्धान भइरहेको प्रहरीले जनाएको छ ।