धरानः सुनसरीमा सेवाग्राहीसँग घुस लिने कर्मचारी पक्राउ परेका छन् ।
अख्तियार दुरुपयोग अनुसन्धान आयोगको टोलीले नेपाल विद्युत् प्राधिकरण, इनरुवा वितरण केन्द्रका कर्मचारीलाई पक्राउ गरेको हो ।
सुनसरीको इनरुवा वितरण केन्द्रमा कार्यरत फोरम्यान विर्जुकुमार महतोले सेवाग्राहीसँग घुस लिएको पाइएपछि अख्तियारले मंगलबार पक्राउ गरेको जनाइएको छ । उनले २५ हजार रुपैयाँ घुस लिएको अख्तियारले जनाएको छ । उद्योगमा विद्युत् क्षमतावृद्धि गरिदिएबापत घुस लिएका महतोलाई अख्तियारको इटहरी सम्पर्क कार्यालयबाट खटिएको टोलीले इनरुवा–३ बाट पक्राउ गरेको प्रहरीले जनाएको छ ।
हाम्रो कोशी आवाज
