धरानः प्रहरीले लागूऔषध ब्राउन सुगरसहित दुईजनालाई प्रकाउ गरेको छ ।
पक्राउ पर्नेमा धरान–१ का ३० वर्षीय सुशान्त रिजाल र इटहरी–२० बस्ने ३७ वर्षीय अमृत पुरी रहेका छन् । मोरङको विराटनगर महानगरपालिका वडा नं.१७ मटेरुवाबाट उनीहरु पक्राउ परेका हुन् । भारतबाट नेपालतर्फ आउँदै गरेको प्रदेश १–०२–०५२ प २७१७ नम्बरको मोटरसाइकललाई लागूऔषध नियन्त्रण ब्यूरो विराटनगरबाट खटिएको प्रहरी टोलीले चेकजाँच गर्दा लागूऔषध ब्राउन सुगर १० ग्राम ३० मिलिग्राम फेला परेको प्रहरीले जनाएको छ ।
पक्राउ परेका दुवैजनाको इलाका प्रहरी कार्यालय रानीबाट थप अनुसन्धान भइरहेको प्रहरीले जनाएको छ ।
हाम्रो कोशी आवाज
