धरानःधार्मिक सद्भावमा खलल पुर्‍याउन खोजेको आरोपमा पक्राउ परेका धर्मगुरु श्रीनिवास रिहा भएका छन् ।
उनीविरुद्ध जिल्ला प्रशासन कार्यालय धनुषामा मुद्दा दर्ता भएकोमा जरिवाना तिरेर रिहा भएका हुन् । जिल्ला प्रशासन कार्यालयले उनलाई सार्वजनिक शान्तिविरुद्धको कसुरमा ५०० रुपैयाँ जरिवाना तिराएर रिहा गरेको प्रमुख जिल्ला अधिकारी चक्रपाणि पाण्डेले जानकारी दिए ।
असोज १२ गते जनकपुरधाम गौ हिंसा विरुद्धको विरोध सभामा हिंसात्मक खालको अभिव्यक्ति दिएको आरोपमा उनलाई मंगलबार सुनसरी प्रहरीले पक्राउ गरेर बुधबार धनुषा प्रहरीलाई बुझाएको थियो । श्रीनिवासले नेपाललाई हिन्दुराष्ट्र बनाउनुपर्छ भन्दै अभिव्यक्ति दिँदै त्यस्तै गतिबिधि गर्दै आएका छन् । यसअघि आचार्य आफैलाई गोली हानेको आरोपमा पक्राउ परेका थिए । २०७४ चैत २५ गते उनलाई गोली प्रहार भएको थियो । साम्प्रदायिक र धार्मिक द्वन्द्व सिर्जना गरेको आरोपमा प्रहरीले उनलाई प्रहरीले सुनसरीको चक्रघट्टीबाट पक्राउ गरेको थियो ।