धरानः धरान–१२ स्थित सुनाखरी एकेडेमीले विद्यार्थीलाई सम्मान गरेको छ ।
एसईई परीक्षा २०८० मा शत प्रतिशत नजितासहित उत्तीर्ण विद्यार्थीहरूलाई एक कार्यक्रमका बीच खदा लगाएर सम्मान गरिएको प्रिन्सिपल मिलनकुमार राईले जानकारी दिए । उनले यो वर्षको एसईई परीक्षामा २२ जना विद्यार्थी सहभागी भएको र शत प्रतिशत विद्यार्थी उत्कृष्ट नतिजासहित उत्तीर्ण भएको जानकारी दिए । यस वर्ष २ जना ए प्लस, १४ जना ए र ६ जना बी ग्रेडमा उत्तीर्ण भएको उनले जानकारी दिए । उनले अभिभावक दिवस कार्यक्रममा ‘ए प्लस’ ल्याउने विद्यार्थीलाई नगदसहित सम्मान गर्ने कार्यक्रम राखिएको जानकारी दिए । उनले उत्कृष्टसहित शत प्रतिशत नतिजा ल्याउन सफल बन्नुमा विद्यार्थी, अभिभावक र शिक्षक सबैका महत्वपूर्ण भूमिका रहेको समेत बताए ।
२०४५ सालमा स्थापना भएको सुनाखरीमा कक्षा ११ र १२ पनि सञ्चालित छ । कक्षा–११ मा कम्प्युटर, कम्प्युटर साइन्स, होटल म्यानेजमेन्ट, म्यानेजमेण्ट विषय पढाइ हुने गरेको छ ।
पढाइका साथै अतिरिक्त क्रियाकलापमा पनि सुनाखरी अब्बल रहेको छ ।