धरानः धनकुटाको साँगुरीगढीमा नयाँ होटल सञ्चालनमा आएको छ ।
युवा व्यवसायी सिर्जना सुब्बाले साँगुरीगढी गाउँपालिका ४ स्थित फलामेटारमा होटल सञ्चालनमा ल्याएकी हुन् ।
करिब दुई करोडको लगानीमा सुब्बाले ‘देव फिस फार्मस्टे’ होटल सञ्चालनमा ल्याएकी हुन् । माछा फार्मसहित सञ्चालनमा आएको होटलमा पारिवारिक वातावरणमा रमाउन सकिने सञ्चालिका सुब्बाले जानकारी दिइन् ।
खोलाको बगरमा रमाउन चाहनेहरूका लागि क्यापिङको व्यवस्था समेत होटलमा रहेको छ । स्वादिष्ट खानासँगै रमणीय दृश्यावलोकन गर्न सकिने तथा होटलमा रात्री बस्नको लागि टेण्डको व्यवस्था गरिएको छ । होटलमा वनभोजसँगै विभिन्न पाटीको लागि समेत गर्न मिल्ने व्यवस्था रहेको छ ।
होटलमा आफै फिसिङसँगै क्याप फायर समेत गर्न पाइने सञ्चालिका सुब्बाले जानकारी दिइन् । होटल सञ्चालनमा आएसँगै पर्यटकहरुको आगमन समेत बढ्ने विश्वास लिइएको उनले बताइन् । होटल सञ्चालनमा आएसँगै सो क्षेत्रमा पर्यटकहरुको आगमन समेत बढ्नुका साथै अर्थतन्त्र चलायमान हुुने युवा नेता रवि राईले बताए । साथै उनले सो क्षेत्रमा उत्पादन हुने अर्गानिक साग सब्जीको बजार समेत विस्तार हुने बताए ।
हेरौं तस्वीरहरूः