धरानः धरानस्थित बीपी कोइराला स्वास्थ्य विज्ञान प्रतिष्ठान धरानमा उपचाररत एक कोरोना संक्रमितको मृत्यु भएको छ ।
बुढीगंगा गाउँपालिका २ मोरङका ५५ वर्षीय पुरुषको उपचारको क्रममा बुधबार बिहान निधन भएको हो । इलाका प्रहरी कार्यालय धरानका डिएसपी ज्ञानेन्द्र बस्नेतले कोरोनाकै कारण मृत्यु भएको पुष्टि गरे ।
गत २६ गते उनलाई बीपी ल्याइएको र मंगलबार परीक्षण गर्दा उनको कोरोना पोजेटिभ रिपोर्ट आएको थियो । ‘आज (बुधबार) बिहान राति डेढ बजेतिर निधन भएको हो,’ प्रतिष्ठानका प्रवक्तासँग डा. निदेश सापकोटाले भने, ‘२६ गते इमरजेन्सीमा आउनुभयो, शंकास्पद देखिएपछि अलग्गै आइसोलेसनमा राखेर उपचार गर्दैगर्दा उनको निधन भयो ।’ ज्वरो खोकी र श्वासप्रश्वासमा समस्या आएपछि उनलाई त्यहाँ ल्याइएको थियो । उनमा कुनै रोग नभएको उनले जानकारी दिए । योसँगै योसँगै प्रतिष्ठानमै मृत्यु हुनेको संख्या पाँच पुगेको उनले जानकारी दिए । यसैबीच प्रदेश १ मा कोरोना कारण मृत्यु हुनेको संख्या ७ पुगेको छ । मृत्युु हुनेमा चार जना विराटनगरका र दुईजना मोरङको सुनवर्षी र रंगेलीका रहेका छन् । यसअघि प्रदेश २ का दुईजनाको बीपीमै मृत्यु भएको थियो ।