धरानः वर्षअघि छुरा प्रहार गरी फरार युवालाई धरान प्रहरीले पक्राउ गरेको छ ।
धरान–३, आइतबारेस्थित सडकमा छुरा प्रहार गरी फरार भएका धरान–१४ का डम्बर पारुहाङ भन्ने ससिम राई पक्राउ परेको इलाका प्रहरी कार्यालय धरानका डिएसपी ज्ञानेन्द्र बस्नेतले जानकारी दिए ।
उनले गत २०७६ असार १० गते राति धरान–१४ पिण्डेश्वरी चौक बस्ने वर्ष १९ को रञ्जीत तामाङलाई धारिलो हतियार (छुरा) प्रहार गरी भागेका थिए । धरान–१४ स्थित निजकै घरगाउँमा लुकिछिपी बसेको अवस्थामा फेला पारी पक्राउ गरिएको उनले जानकारी दिए । उनलाई आवश्यक कारवाहीको लागि सुनसरी जिल्ला अदालतमा बुझाइएको उनले जानकारी दिए । प्रहरीका अनुसार उनीविरुद्ध ज्यान मार्ने उद्योगमा मुद्दा दर्ता भएको छ ।
हाम्रो कोशी आवाज
