सुनसरीः अस्थायी प्रहरी चौकी तालतलैया सुनसरीको नव निर्मित कार्यालय भवनको उद्घाटन भएको छ ।
कार्यालयको हाताभित्र एक विशेष समारोहका बीच नव निर्मित अस्थायी प्रहरी चौकीको कार्यालय भवनको १ नम्बर प्रदेशका आन्तरिक मामिला तथा कानुनमन्त्री हिक्मतकुमार कार्कीले उद्घाटन गरे ।
अढाइतले सुविधा सम्पन्न सो भवन संसद् विकास कोष, स्थानीय सरकार, सरस्वती सामुदायिक वन, तालतलैया विकास कोष र स्थानीय जनसहयोग गरी जम्मा ७० लाख रूपैयाँको लागतमा निर्माण सम्पन्न भएको हो ।
कार्यक्रममा पूर्व सांसद् सर्वध्वज साँवा, १ नम्बर प्रदेश प्रहरी कार्यालयका प्रमुख प्रहरी नायव महानिरीक्षक ईश्वरबाबु कार्की, सुनसरीका प्रमुख जिल्ला अधिकारी फडिन्द्रमणी पोखरेल, इटहरी उपमहानगरपालिका प्रमुख तथा सुनसरीका प्रहरी प्रमुख लगायत स्थानीयवासीहरुको उपस्थित रहेको थियो ।