ताप्लेजुङः ताप्लेजुङको सदरमुकाम फुङलिङ–७ की टिकादेवी घिमिरेको मुत्युदावीे भुक्तानी गरिएको छ ।
गुराँस लाइफ इन्स्योरेन्स उपशाखा ताप्लेजुङले मृतक घिमिरेको श्रीमान रमेश घिमिरेलाई एक कार्यक्रम गरी चेक हस्तान्तरण गरेको छ ।
घिमिरेले विगत ९ वर्षअगाडि गुराँस लाइफ इन्स्योरेन्स कम्पनीमा एक लाख प्रिमियरको जीवन विमा गरेको गुराँस लाइफ इन्स्योरेन्स उपशाखा प्रमुख रमला लिम्बूले बताइन् । उनका श्रीमान लाई १ लाख ४३ हजार २ सय १८ रुपैंयाँको चेक हस्तान्तरण गरेको लिम्बूले बताइन् ।
घिमिरे गत वैशाखमा मृत्यु भएको थियो । कोरानाका कारणले समयमै मृत्यु दावी भुक्तानी समयमै दिन नसकेको उपशाखा प्रमुख लिम्बूले बताइन् । गुराँस लाइफले वीमितहरुको घर–घरमा गएर समुदायको सेवा दिँदै आएको शाखाका इन्चार्ज अर्जुन पोखरेले बताए ।