धरानः इलाका प्रहरी कार्यालय धरानले गाँजासहित समातिएका युवालाई सार्वजनिक गरेको छ ।
धरानस्थित धरानबाट गाँजासहित पक्राउ गरिएका युवालाई सार्वजनिक गरिएको हो । धरान–२ भानुचोकबाट धनकुटा घर भएका २३ वर्षीय कमल विष्टलाई गाँजासहित पक्राउ गरेपछि सार्वजनिक गरेको हो ।
धनकुटा–१४ घर भएका बिष्टको साथबाट एक किलो ९ सय ग्राम गाँजा पनि बरामद भएको डिएसपी ज्ञानेन्द्र बस्नेतले जानकारी दिए । बुधबार १२ बजेको समयमा डयुटीमा खटिएको प्रहरी टोलीले उनलाई पक्राउ गरेको थियो । पक्राउ गरी सुनसरी जिल्ला अदालतबाट म्याद थप अनुमति लिएर बरामद हुन आएको गाँजाको बारेमा थप अनुसन्धान कार्य भइरहेको प्रहरीले जनाएको छ ।
हाम्रो कोशी आवाज
