धरानः धरानमा लागूऔषधसहित पक्राउ गरेका युवा धरान प्रहरीले सार्वजनिक गरेको छ ।
इलाका प्रहरी कार्यालय धरानले धरान–१३ बस्ने वर्ष २७ को राजकुमार तामाङलाई पक्राउ गरेको डिएसपी ज्ञानेन्द्र बस्नेतले जानकारी दिए ।
घरकोठामा लुकाइछिपाइ लागूऔषध राखी बिक्री वितरण गर्ने गरेको भन्ने गोप्य सूचनाको आधारमा निजको घरकोठा खानतलासी गर्दा लागूऔषध फेला परेको उनले जानकारी दिए ।
डाइजेल्याब ९ एम्पुल, फेनेरागन ९ एम्पुल, आइजेलाव ९ लेजेसिक ९ एम्पुल, अल्कोहल स्वाब आइडिए ४४ पत्ता, ५ एमएलको सिरिञ्ज ६३ थान बरामद भएको उनले जानकारी दिए । लागूऔषध कारोबार गर्ने तामाङलाई पक्राउ गरी लागूऔषध शीर्षकमा सुनसरी जिल्ला अदालतबाट म्याद थप भई अनुसन्धान भइरहेको प्रहरीले जनाएको छ ।
हाम्रो कोशी आवाज
