धरानः धरान–१० स्थित प्राइम भिजन होटेल म्यानेजमेन्ट कलेजमा सोमबारबाट तीनदिने खाद्य मेला आयोजना गरेको छ ।
मेलामा डिप्लोमा इन होटल म्यानेजमेन्टमा पढ्ने विद्यार्थीहरुलाई प्रयोगात्मक अभ्यासद्वारा सिकुन भन्ने उद्देस्यले मेलाको आयोजना गरिएको कलेजका कोअर्डिनेटर अनिल श्रेष्ठले जानकारी दिए ।
होटल म्यानेजमेन्टमा इभेन्ट म्यानेजमेन्ट कोर्ष भएकोले प्रयोगात्मक ढङ्गले लेभल–३ र लेभल–४ मा पढ्ने विद्यार्थीहरुलाई लक्षित गरेर मेला गरिएको कलेजका हेड काउन्सलर मधुसुदन कोइरालाले जानकारी दिए ।
‘इभेन्ट म्यानेजमेन्ट भित्र इभेन्टलाई कसरी ब्यबस्थापन गर्ने, मासलाई कसरी खुशी पार्ने, सर्भिस कसरी प्रभाबकारी बनाउने बारेमा विद्यार्थीहरुले आफैले गरेर सिक्छन्’, कोइरालाले भने ।
मेलामा होटल म्यानेजमेन्टका विद्यार्थीले तयार पारेका विभिन्न खानाका परिकारहरु बेचेर आएको नाफाबाट धरान–१६ को पञ्चायत आधारभूत विद्यालत र धरान–१७ मा रहेको सम्यक आधारभूत विद्यालयलाई कम्प्युटर प्रदान गरिने कोअर्डिनेटर श्रेष्ठले जानकारी दिए ।
मेलामा विद्यार्थी, अभिभावक, धरानका विभिन्न ठाउबाट अवलोकन गर्न आएका छन् । धरान बाहिर बेलाबारिबाट विकम कलेज, चतराबाट बराह राइजिङ बोर्डिङ स्कुल, हिमालयन बोर्डिङ स्कुल अन्य ठाउँबाट पनि अवलोकन गर्न आएको कलेजले जनाएको छ ।
लेभल–३ विद्यार्थी अर्जुन श्रेष्ठले कार्यक्रम कसरी म्यानेज गर्ने, सर्भिस कसरी गर्ने, मार्केटिङ कसरी गर्ने भन्ने कुराको राम्ररी सिकिएको अनुभव सुनाए । त्यस्तै, लेभल–४ मा पढ्ने सुष्मा लिम्बूले खानाका विभिन्न परिकारहरु आफैले तयार गरि आफैले सर्भिस गर्दा धेरै राम्रो अनुभव भएको सुनाइन् ।