धरानः जनरल इन्स्योरेन्स कम्पनी नेपाल लिमिटेड धरान शाखाले कोरोना संक्रमित कर्मचारीहरुको कोरोना बिमाबापतको रकम मेयरतिलक राईलाई हस्तान्तरण गरेको छ ।
शाखाका प्रमुख प्रतीक श्रेष्ठसहितको टिमले बुधबार मेयर राईलाई कार्यकक्षमै भेटेर ४० जना कर्मचारीहरुको कोरोना विमाबापतको रकम हस्तान्तरण गरेको हो ।
धरान उपमहानगरपालिकाले जनरल इन्स्योरेन्स कम्पनी नेपाल लिमिटेड धरान शाखासँग कोरोना बीमाको सम्झौता गरेको थियो । जसअन्तर्गत ४० जना कर्मचारीहरुलाई कोरोना भाइरसको संक्रमण पुष्टि भएको थियो । शाखाले ४० जना कोरोना संक्रमित कर्मचारीहरुको ४० लाख रुपैयाँको चेक मेयर राईलाई हस्तान्तरण गरेको हो । सो ४० लाख रुपैयाँको चेक मेयर राईले प्रमुख प्रशासकीय अधिकृत विदुर खनाललाई हस्तान्तरण गरेका थिए ।
बीमावापतको रकम प्राप्त हँुदा कार्यरत कर्मचारीहरुलाई काम गर्न प्रेरणा मिलेको बताए । कम्पनीका धरान शाखाका प्रमुख श्रेष्ठले बाँकी रहेका कर्मचारीहरुको कोरोना विमाबापतको रकम चाँडै नै उपलब्ध गराउने जानकारी दिए ।