धरानः धरान ११ बजेसम्म खुल्लै थियो । बजार, यातायात साथै मानिसको पनि चहलपहल थियो तर ११ बजेपछि प्रहरी आएर सिटी फुकेपछि व्यवसायीले सटर तान्न थालेका थिए ।
इलाका प्रहरी कार्यालय धरानको टोली, धरान उपमहानगरपालिकाका प्रहरी लागेपछि सब्जीमण्डीलगायत मुख्य बजारका सटरहरु तानिएका थिए । अहिले धरानका मुख्य सडक खण्डका पसल बन्द छन् । साथै भित्री सडकमा सञ्चालित पसल केही खुल्ला छन् । खासमा जिल्ला प्रशासन कार्यालयले धरानमा बिहान ६ बजेदेखि ११ बजेसम्म पसल सञ्चालन गर्ने निर्णय गरेको थियो ।
इलाका प्रहरी कार्यालय धरानका प्रहरी निरीक्षक हेमराज ओली प्रशासनले ११ बजेसम्म पसल सञ्चालन गर्न दिने भनिएको तर धरानमा ११ बजेपछि पनि पसल सञ्चालन भइरहेको पाइएकोले बन्द गराउँदै र पसल बन्द गर्न अनुरोध गर्दै हिँडेको बताए ।
११ बजेपछि धरान प्रायः सुनसानझैं बनेको थियो ।
तस्वीरहरुः हाम्रो कोशी आवाज