सोलुखुम्बुः थुलुङ दुधकोशी गाउँपालिका–७ का ६३ वर्षीय वीरबहादुर राईको कुटपिटबाट मृत्यु भएको छ ।
बैशाख १० गते राति १० बजेको समयमा स्थानीय ४६ वर्षीय शन्तुराज राई र वीरबहादुर राईबीच सामान्य घरायसी विषयमा विवाद भई झगडा हुँदा शन्तुराजले वीरबहादुरलाई कुटपिट गरी घाइते बनाएका थिए ।
घाइतेलाई उपचारको लागि बाँसबारी न्यूरो अस्पताल काठमाण्डौ लगिएकोमा उपचारको क्रममा १६ गते बेलुका मृत्यु भएको थियो ।
घटनाबारे जानकारी पाएलगत्तै प्रहरी टोली खटेर कुटपिटमा संग्लग्न रहेका शन्तुराजलाई नियन्त्रणमा लिई थप अनुसन्धान भइरहेको १ नम्बर प्रदेश प्रहरी कार्यालय विराटनगरका सूचना समन्वय अधिकृत प्रहरी उपरीक्षक महेन्द्रकुमार श्रेष्ठले जानकारी दिए ।
हाम्रो कोशी आवाज
