सुनसरीः सुनसरीको दुई पत्रकारलाई ज्यान मार्ने धम्की दिएको प्रेस चौतारी नेपाल जिल्ला कार्य समिति सुनसरीले घोर भत्र्सना गरेको छ ।
समाचार लेखेकै भरमा ज्यान मार्ने धम्की दिनु प्रेस स्वतन्त्रता र लोकतन्त्रविरुद्धको मात्र होइन यो मौलिक हकको हनन र अपराध भएको जनाउँदै चौतारीले समाचारमा चित्त नबुझे कानुनी उपचार खोज्न पाइने हक हुँदाहुँदै ज्यान मार्ने धम्की निन्दनीय हो भनेको छ । चौतारीले सत्यतथ्य पत्ता लगाई दोषीमाथि कारवाही गर्न माग समेत गरेको छ ।
सामाचार लेखेको जनाउँदै प्रदेश पाना र जनसतावदी दैनिकका सम्पादक दीपेन्द्र यादव र नागरिक अभियान डककमका पत्रकार विवेक मेहतालाई ज्यान मार्ने धम्की आएको थियो ।
वैशाख २७ गते पत्रकार यादवलाई र मेहतालाई नागरिक अभियानको फेसबुक पेजको म्यासेन्जरमा समाचार किन लेखेको भन्दै ज्यान मार्ने धम्की आएको उनीहरुले बताएका छन् ।
उनीहरुले डा.इसराइल मन्सुरीविरुद्ध समाचार लेखेको भन्दै धम्की आएको जानकारी दिएका छन् । डा. मन्सरीले भने आफूले धम्की नदिएको बताउँदै आएका छन् ।