बिर्तामोडः मेची-१० मा बिग्रेर रोकिराखेको लरी (जिप्सन लोड) मा ठोक्किँदा एकजनाको मृत्यु भएको छ ।
मृत्यु हुनेमा पूजाहाङ लिम्बू रहेका छन् । उनी नागाडुब्बा पुलनजिक पूर्व-पश्चिम राजमार्गमा पूर्वबाट पश्चिमतर्फ फर्के बिग्रेर रोकिराखेको आरजे ०६ जिबी ५४२४ नम्बरको लरीमा ठोक्किएका थिए ।
उनको बा६३प २७९० नम्बरको मोटरसाइकल त्यहाँ ठोक्किएको हो । लरीको पछाडि ठोक्किँदा उनी घाइते बनेका थिए । मेची–१२ धाइजन बस्ने वर्ष ३० का उनको बिर्तामोडस्थित बिएण्डसी अस्पतालमा उपचारको क्रममा मृत्यु भएको प्रहरीले जनाएको छ । लरी चालक फरार रहेको प्रहरीले जनाएको छ । धुलाबारीबाट २.५ किमी पश्चिम पर्ने सो सडक खण्डमा तीब्र गतिमा मोटरसाइकल कुदाउँदा दुर्घटना भएको १ नं. प्रदेश ट्राफिक प्रहरी कार्यालय इटहरीले जनाएको छ ।